Street na plug

All ma for di very pay na plug. Na just say we no kno ha for scrash wa bag them. I member ma days dem for abakwa, life be taste, all man be de legit.

Dog dong ever follow you and ya padi dem? You dong ever tif mango? You play rain ball? Ma man you even tif fowl chop with na men dem? Streets na plug. No matter de conditions, you and ya men dem must always find way.

Na so Jerad call we tell we say e dong see some pile of iorn for some down Bush. Me and ma padi dem dong arrange for go wokup da iron dem go tum. Ma men dem dong already draw plan.

As da day reach, Na me be de radar. Ma men dem dong go, wise some ngah dem di wash close. Na so dem play head fry da ma dem. But dem say I must halla matter too. De call me, plug me with one of da ngah. Well, tin dem happen.

We last sell da iron, gather da doh by ball. We go nack ndamba for some field. Grand dem came shisha wa ball. But guy, we dohmo oh. All we be de like fast a furious team. We no di lef man for back. Merde, we be do craze. Streets na plug eh. You di experience all kind tin. Even for just di Waka ring people da bell run.

Any ha sha, ar just tank yaweh say I turn out alright. Some ma padi dem dong collam, some dem de ngata. But I de here. Na Victory.